ಆಶಾಕಿರಣ

 

ಸಾಂದರ್ಭಿಕ ಚಿತ್ರ:  Rab ne bana di Jodi

 
ರಾಮಣ್ಣ: ಮಗಾ, ಇಲ್ನೋಡೋ

ನಾನು: ತಡಿಯೋ, ಕೈ ತುಂಬಾ ಕೆಲಸ ಇದೆ ಇಲ್ಲಿ

ರಾಮಣ್ಣ: ಏ‌ ನಿಂದು ಇದ್ದದ್ದೇ, ಬೇಗ ಇಲ್ನೋಡೋ

ನಾನು: ನಮ್ ಕಣ್ಣು ಹೋಗೋ ಅಂಥದ್ದು ಏನೇನೋ ತೋರಿಸ್ಬೇಡ ಗುರೂ, ಮೊದಲೇ ಹೇಳಿದ್ದೀನಿ.

ರಾಮಣ್ಣ: ಆ subway surfers ಬಿಟ್ಟು ನನ್ ಮೊಬೈಲ್ ನೋಡು ಗುರೂ ಒಂದ್ ಸಲ

ನಾನು: ಯಾರೋ ಇವರು, ಯಾರದೋ ಮದುವೆ ಫೋಟೋ, ನಮಿಗ್ ಗೊತ್ತಿರೋರ? ಯಾರು ಅಂತಾನೆ ಗೊತ್ತಾಗ್ತಿಲ್ವಲ್ಲೋ.

ರಾಮಣ್ಣ: ಜಾಸ್ತಿ ತಲೆ ಕೆರೆದುಕೊಳ್ಳ ಬೇಡ, ಇರೋ ಮೂರು ಮತ್ತೊಂದು ಕೂದಲೂ ಕೂಡ ಇರಲ್ಲ ಆಮೇಲೆ.
ಇವಳು ನಮ್ ಕಾಲೇಜು, ನಿಂಗೆ ಗೊತ್ತಿರಲ್ಲ.
ನೋಡೋ ಹೆಂಗಿದ್ದಾಳೆ, 10/10 ಕೂಡ ಕಮ್ಮೀನೇ. ಇವಳನ್ನು ಮುಟ್ಟಬೇಕಂದರೆ ಕೈ ತೊಳೆದು ಮುಟ್ಟಬೇಕು. ಪಕ್ಕ ನಿಂತಿದೆ ನೋಡು, ಗಂಡ ಅನ್ನೋ ಹೊಸ ಪ್ರಾಣಿ. ಮುಟ್ಟಿದರೆ ಕೈ ತೊಳಿಯಬೇಕು, ಹಂಗಿದ್ದಾನೆ.
Kaun sa Rab ne bana di yeh jodi? ಓ, ದೇವರಿಗೆ ಕರುಣೆನೇ ಇಲ್ಲ ನೋಡು.

ನಾನು: ಅಯ್ಯೋ ಸುಮ್ನಿರಪ್ಪ, ಇಂಥಾ ಜೋಡಿಗಳನ್ನ ನೋಡಿನೇ ನಾವೂ ಕೂಡ ಯಾವ್ದಾದ್ರೂ ಆಶಾನೋ, ನಿರಾಶನೋ, ಥೋ ಸಾರಿ ಆಶಾನೋ, ನಿಶಾನೋ ಸಿಗಬಹುದು ಅನ್ನೋ ಆಶಾಕಿರಣವನ್ನ ನಂಬಿ ಕಾಲ ಕಳಿತಿದ್ದೀವಿ

ರಾಮಣ್ಣ: ನೀನ್ ಉದ್ಧಾರ ಆಗಲ್ಲ ಬಿಡು

ನಾನು: ಹೊಸ ಸುದ್ದಿ ಏನಾರಾ ಇದ್ರೆ ಹೇಳು ಶಿವಾ ಹೋಗ್ಲಿ